Il-Ġbid tal-Ħabel (Tug of War)

Dwar Il-Ġbid tal-Ħabel (Tug of War)

Għall-kuntrarju ta’ xi wħud mil-logħbiet l-oħra, għall-Ġbid tal-Ħabel trid is-saħħa aktar milli strateġija u kordinazzjoni bejn l-idejn u l-għajnejn.
M’hemmx għalfejn ikollok età avvanzata biex tiftakar din il-logħba. Imma hija ħafna anqas popolari llum milli kienet meta ħafna minnhom kien għadhom tfal.

Kif Tilgħab Il-Ġbid tal-Ħabel (Tug of War)

Kull wieħed minn żewġ timijiet ta’ perteċpanti jaqbad it-tarf ta’ ħabel twil u oħxon u waqt li jiġbdu b’saħħithom kollha jippruvaw ikaxkru lill-avversarji lil hinn mil-linja tan-nofs. Dak it-tim li jirnexxilu jagħmel hekk jirbaħ.