Logħob Malti

Ħafna minna l-Maltin iqisu li r-rikkezza tal-istorja u l-kultura tagħna bħala xi ħaġa għat-turisti biss, u ma tantx nippruvaw niskopruha aħna stess. Loghobmalti.com ħejja programmi li jqanqlu kurżità u joffru lilek u lill-grupp tiegħek l-opportunità  li tidħlu fil-fond fil-preżent u l-passat ta’ Malta permezz ta’ logħob u attivitajiet divertenti u b’mod interattiv. Hemm firxa ta’ attivitajiet: logħob Malti tradizzjonali li jerġa’ jagħti l-ħajja lill-ispirtu ferrieħi tal-komunitajiet tal-imgħoddi, kaċċa għat-teżor li permezz tagħha l-grupp tiegħek isir jaf fatti u informazzjoni fuq Malta, u dawriet speċjalizzati ma’ Malta u Għawdex minn prespettiva Maltija.

Għal min huma dawn il-programmi? Huma addattati għal ħafna okkażjonijiet u għal gruppi differenti. Jistgħu jkunu għażla mill-aqwa bħala avvenimenti organizzati minn kumpaniji u attivitajiet ta’ team building, kif ukoll bħala ħarġiet divertenti għall-iskejjel li jgħaqqdu flimkien l-attività fiżika u t-tagħlim tal-kultura. Permezz tagħhom il-kunsilli lokali jistgħu ikattru l-għaqda fost il-komunitajiet tagħhom waqt li l-paroċċi ikollhom xi jżidu maċ-ċelebrazzjonijiet ta’ żmien il-festa.