Ballun Stop

Dwar Ballun Stop

Din il-logħba li trid ġiri b’ħeffa kbira hija ta’ pjaċir kbir għal min jilgħabha u toffrilek iċ-ċans ta’ eżerċizzju mill-aqwa.

Kif Tilgħab Ballun Stop

Trid spazju ġmielu biex tilgħab din il-logħba. Wieħed mill-parteċipanti jgħolli l-ballun u jsejjaħ isem wieħed mill-parteċpianti l-oħra li jrid jara kif jagħmel u jaqbad il-ballun qabel ma jmiss mal-art. Jekk jirnexxilu, imiss lilu li jitfa’ l-ballun ‘il fuq. Jekk ma jaqbadx il-ballun dak li jkun irid jolqot lil wieħed mit-tfal l-oħra billi jitfagħlhom il-ballun waqt li huma jippruvaw jiskappaw milli jintlaqtu. Jekk dak li jwaddab il-ballun ma jolqotx lil dak li jimmira lejh, jinqala’ mil-logħba. L-istess jiġri lil kull parteċipant li jintlaqat erba’ darbiet. Din il-logħba kapaċi tkun ta’ mogħdija taż-żmien eċċellenti għall-avvenimenti organizzati mill-kumpaniji.