l-Esperjenza tal-Passiġġata Sigrieta Tul Il-Kosta Tour Privat

Malta hija mbierka b’rikkezza ta’ xenarju tul il-kosta li bis-saħħa tagħha passiġġata ssir esperjenza mill-aktar pjaċevoli. Se noħdukom passiġġata mal-kosta li ftit jafu biha; tibda mill-Ġnejna fil-Majjistral tal-gżira.

Filwaqt li hija poplari mal-Maltin li jgħixu f’dawk l-inħawi, Il-Ġnejna (waħda mit-tliet bajjiet, flimkien mal-Mixquqa u Għajn Tuffieħa, qrib xulxin f’dawk in-naħat) hija żgur l-inqas waħda frekwentata mit-Turisti. Se nimirħu tul il-kosta bil-baħar turkin ma’ naħa waħda u l-blajjet ġganteski ma’ naħa oħra sakemm naslu f’daħliet żgħar blatin. Tul it-triq taraw il-fjuri u l-ħxejjex tipikament Mediterranji bil-fwejjaħ uniċi tagħhom. Bis-saħħa ta’ din l-esperjenza tibqgħu tiftakru ż-żmien li qattajtu Malta għal ħafna snin.

 

Tal-istagħġib li, anke hawn, f’din il-parti iżolata ta’ Malta, issib l-istorja permezz tat-Torri tal-Lippija imperreċ fuq irdum li jagħti fuq il-bajja.

Huwa wieħed minn diversi torrijiet tal-għassa li jdawru l-kosta Maltija u li kienu jservu biex jagħtu sinjal bikri ta’ xi invażjoni jew attakk mill-furbani. It-torri imponenti, l-irdumijiet, l-għoljiet imtarrġin u l-baħar ikħal kollha flimkien ipaxxu l-għajn u s-sensi l-oħra.

senses.